157 №-li tam orta məktəb

13 sentyabr 2023-cü ildə 2023/2024-cü tədris ili üzrə Pedaqoji Şuranın ilk iclası keçirildi. İclas məktəbin direktoru İbrahimova Fatma tərəfindən gündəlikdə dayanan məsələlərin səsləndirilməsi ilə açıq elan edildi. Məktəbin direktoru çıxışında 2022/2023-cü tədris ilində IX və XI siniflərin buraxılış nəticələri, Bakı Şəhəri üzrə Təhsil İdarəsi tərəfindən təşkil edilən monitorinqlərin müqayisəli təhlilinə yer verdi. Növbəti tədris ilində qarşıda dayanan məqsədlər səsləndirildi.

Məktəbin ibtidai siniflər və yuxarı siniflər rus bölməsi üzrə təlim-tərbiyə işləri üzrə direktor müavini Nurəliyeva Sevgili 2023/2024-cü tədris ilində şagird kontingenti, sinif komplekləşməsi haqqında məlumat verdi. Sinif jurnallarının yazılma qaydası, müşahidə olunan çətinliklər barədə məruzə təqdim edildi.

Azərbaycan bölməsi V-XI siniflər üzrə təlim-tərbiyə işləri üzrə direktor müavini İsmayılova Sevinc qiymətləndirmə qaydalarına toxunaraq qiymətləndirmə prosesində müəllimlər tərəfindən qarşılanan səhvlər müzakirə olundu. Formativ qiymətləndirmənin aparılma qaydası haqqında geniş məlumat təqdim edildi.

İclasda həmçinin yeni tədris ilində məktəbli formasının zəruriliyi, şagird davamiýyətinin yüksəldilməsinin yolları, şagirdlərin kitablarla təmin olunması kimi əhəmiyyətli mövzular müzakirə olundu.

Bakı Şəhəri üzrə Təhsil İdarəsi tərəfindən aparılan monitorinq və buraxılış imtahanlarının nəticəsinə əsasən reytinq cədvəli açıqlanıb.

Buraxılış imtahanlarının 2022/2023-cü illərə görə müqayisəli təhlilini təqdim edirik. Cədvəldə IX və XI sinif şagirdlərinin 2022 və 2023-cü illərdə buraxılış imtahanında göstərdikləri nəticə və reytinq cədvəli üzrə yer qeyd olunmuşdur.

Cədvəldə də qeyd olunduğu kimi XI sinif şagirdlərinin buraxılış imtahanında göstərdiyi nəticəyə əsasən məktəbimiz 2022-ci illə müqayisədə irəliləmişdir. Belə ki, rayon üzrə 16-cı yerdən 11, Bakı Şəhəri Üzrə Təhsil İdarəsinə tabe məktəblər arasında isə 183-cü yerdən 76-cı yerə qədər yüksələ bilmişdir.

2023/2024-cü tədris ilində doğma məktəbə daha böyük uğurlar arzulayırıq.

2022/2023-cü tədris ili üzrə məzunlarımızın ali məktəblərə qəbul göstəricilərinin bir hissəsini sizinlə paylaşırıq.

2022/2023-cü tədris ilində 90 nəfər şagird məzun olmuşdur. Onların əksəriyyəti tələbə adını qazanmışdır. Tələbələrin arasında beynəlxalq universitetlərə qəbul olan məzunlarımızın olması bizi qürurlandırır.

Ali məktəblərə qəbul olan məzunlarımızı ürəkdən təbrik edir, onlara yeni naliyyətlər arzulayırıq. Tələbə adını qazana bilməyən məzunlarımızı üzülməməyə, yenidən hazırlaşaraq qarşıya məqsəd qoyaraq daha yaxşı nəticə qazanmağa çağırırıq.

Unutmayın ki, heç nə üçün heç vaxt gec deyil.

Yeni tədris ilində Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən ümumi təhsil müəssisələri üzrə ümumilikdə, 481 131 şagird təhsil alacaq.

BŞTİ-nin tabeliyindəki ümumi təhsil məktəblərinin I sinfində 40 500, IX sinfində 41 016, X sinfində 31 300, XI sinfində 26 887, XII sinfində 130 şagirdin təhsil alacağı proqnozlaşdırılır.

BŞTİ-nin tabeliyində fəaliyyət göstərən məktəbəqədər təhsil müəssisəslərinə 34 995 uşağın, ümumi təhsil müəssisələrinin məktəbəhazırlıq qruplarına isə 23 000-ə yaxın beşyaşlının cəlb olunacağı gözlənilir.

2023-2024-cü tədris ilində BŞTİ-nin tabeliyində fəaliyyət göstərən ümumi təhsil müəssisələrində 28 498 müəllim,  məktəbəqədər təhsil müəssisəslərində isə 4 375 tərbiyəçi-müəllim çalışacaq.

Qeyd edək ki, BŞTİ-nin tabeliyində 310 ümumi təhsil məktəbi, 3 xüsusi tipli ümumi orta məktəb və 5 əyani-qiyabi axşam məktəbi olmaqla, cəmi 318 məktəb, 344 məktəbəqədər təhsil müəssisəsi fəaliyyət göstərir.

✔️ Nazirlər Kabinetinin 17.03.2022-ci il tarixli 96 nömrəli qərarına əsasən, ölkənin ümumi təhsil müəssisələrində vahid məktəbli geyimi tətbiq edilir.

✔️ Nazirlər Kabinetinin müvafiq qərarında göstərilən 4 nümunə geyim forması tekstil şirkətləri tərəfindən hazırlanır və satışı onlar tərəfindən təmin edilir.

✔️ Ötən tədris ilində hər bir ümumi təhsil müəssisəsinin Pedaqoji Şurası valideynlərin də rəyini nəzərə alaraq 4 nümunədə geyim formasından birini seçib və bununla bağlı müvafiq qərar qəbul edib.

✔️ Valideynlər övladlarının təhsil aldığı məktəb vasitəsilə məktəbli geyimi barədə ətraflı məlumatlandırılıb.

✔️ Məktəbli formalarını əldə etmək üçün müəyyən olunmuş məntəqələr barədə ictimaiyyətə geniş informasiya verilib, satış məntəqələrinin ünvanları qeyd edilib.

✔️ Paytaxt ərazisində məktəbli formalarını əldə etmək üçün 34 məntəqə mövcuddur.

✔️ Valideynlər özlərinə yaxın olan və ya özlərinin məsləhət bildikləri məntəqədən övladları üçün müvafiq geyimi əldə edə bilərlər.

✔️ Valideynlər öz istəklərinə uyğun olaraq məktəbli geyimini sifarişlə tikdirə də bilərlər.

✔️ Hər bir ümumi təhsil müəssisəsinin Pedaqoji Şurası tərəfindən seçilən müvafiq geyim forması ən azı 3 tədris ili dəyişilməz qalacaq.

✔️ Eyni görünüşə malik məktəbli forması şagirdlər arasında bərabərliyi təşviq edir. 

✔️ Vahid geyim forması şagirdlərə məsuliyyət hissi aşılayır və məktəbin özünəməxsus təhsil mühitinin formalaşmasında mühüm amillərdəndir.

#Məktəb #MəktəbliGeyimi #YeniDərsİli #Şagird #Valideyn