Koreyalı şagirdlər məktəbimizdə
Məktəbimizdə 17 yanvar 2017-ci il tarixdə “Koreya mədəniyyəti Azərbaycanda” adlı görüş baş tutmuşdur. Koreyalı qonaqları ilk olaraq məktəbimizin direktoru Səttarova Gülayə salamlayaraq onları məktəbimizdə görməyinə şad olduğunu vurğulamışdır. Daha sonra məktəbimiz, şagirdlərimiz və onların qazandıqları uğurlar barədə qısa şəkildə məlumat vermişdir. Koreyalı şagirdlər öz milli rəqsləri və musiqilərini nümayiş etdirmişlər, qısa səhnəciklər göstərmişlər. Dostluq çərçivəsində keçirilən görüşdə xatirə şəkilləri çəkilmiş, tədbirin rəsmi hissəsindən sonra idman zalında şagirdlərimizlə koreyalı şagirdlər arasında müxtəlif oyun və yarışlar keçirilmişdir. Məktəbimizin şagirdləri tərəfindən Koreyalı şagirdlərə hədiyyə olaraq müxtəlif kitablar və kiçik suvenirlər bağışlanmışdır.
