20 Yanvar şəhidlərini hörmətlə anırıq.
Paytaxt məktəblərində 20 Yanvar faciəsinin otuz ikinci ildönümü ilə əlaqədar “20 Yanvar-Azadlığa gedən yolun zirvəsi”, “Vətən şəhidləri heç vaxt unutmayacaq!”, “20 Yanvar sınağı: azərbaycançılıq nümunəsi”, “Tariximizin şanlı səhifəsi” və digər mövzularda konfrans, seminar, mühazirə və “Dəyirmi masa”lar, bədii qiraət gecələri təşkil edilməsi ilə əlaqədar 157 nömrəli məktəbdə də silsilə tədbirlər həyata keçirilmişdir. 17-18 yanvar tarixlərində məktəbin tarix fənn müəlimi Məleykə müəllim “20 Yanvar-Azadlığa gedən yolun zirvəsi”, gənclərin çağırışaqədərki hazırlığı müəllimi Orxan müəllim “20 Yanvar sınağı: azərbaycançılıq nümunəsi” mövzularında açıq dərslər təşkil etdilər.
19 yanvar tarixində məktəbin foyesində şagirdlərin çəkdikləri rəsmlər, hazırladıqları divar qəzetləri sərgiləndi. Uşaqlarla məktəbdənkənar və sinifdənxaric tərbiyə işi üzrə təşkilatçı Aynur müəllim, təlim-tərbiyə işləri üzrə direktor müavini Sevgili müəllim və məktəbin şahmat dərnəyinin rəhbəri Elşən müəllimin təşkilatçılğı ilə “Tariximizin şanlı səhifəsi” adlı 5-13 yaş uşaqlar arasında şahmat yarışı təşkil edilmişdir.Şagirdlərin iştirakı ilə həyata keçirilən yarışda I,II,III yerə layiq olanlar diplomlarla təltif olundular.
