Zəfər sevincli Son Zəng
Azərbaycan Respublikası Nazirlər Kabineti yanında Operativ Qərargahın göstərdiyi qaydalara əməl edilməklə iyunun 14 – də məktəbdə “Son zəng” tədbiri keçirildi. Tədbir sosial məsafə gözlənilməklə açıq havada bir saatdan artıq olmamaq şərtilə baş tutdu. Yalnız məktəbin 11 – ci sinif şagirdlərinin, məktəb rəhbərliyinin və məhdud sayda müəllimin iştirakı ilə keçirilən tədbiri məktəbin direktoru Səttarova Gülayə açdı. Dövlət himni səsləndirildi. "Vətən müharibəsi" də canından keçən şəhidlərimizin ruhu bir dəqiqəlik sükutla yad edildi. Gülayə xanım öz çıxışında 2020 – 2021 – ci tədris ilindəki məzunların uğurlu nəticələrini qeyd edərək, fərqlənən şagirdləri diplomlarla təltif etdi.
Tədbirdə Binəqədi Rayon İcra Hakimiyyətindən nümayəndə iştirak etdi.
Sonda ənənəvi olaraq son zəng çalınmaqla tədbir yekunlaşdı.
