SAF2024 “Yaşıl təşəbbüslər “kateqoriyası
Azərbaycan Respublikası Elm və Təhsil Nazirliyinin dəstəyi ilə 24-25 oktyabr tarixlərində Bakı Ekspo Mərkəzində STEAM Azərbaycan layihəsinin təşkilatçılığı ilə Beynəlxalq Yaşıl STEAM Azərbaycan Festivalı keçirildi. Festivalın keçirilməsində məqsəd STEAM əsaslı tədrisin təşviqi, təhsilalanlar arasında XXI əsr bacarıqlarının inkişaf etdirilməsi, yaradıcı təhsilalanların aşkara çıxarılması, eləcə də BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP 29) Azərbaycanda keçirilməsi və 2024-cü ilin ölkəmizdə “Yaşıl dünya naminə həmrəylik ili” elan edilməsi ilə əlaqədar STEAM əsaslı yanaşmanın tətbiqi ilə ətraf mühitin sağlamlaşdırılması, su ehtiyatlarından və alternativ enerji mənbələrindən səmərəli istifadəyə dair innovativ həll və layihələrin hazırlanmasının təşviq edilməsidir.
124 nömrəli məktəbi beynəlxalq festivalda “Yaşıl təşəbbüslər “ kateqoriyasında “Modern Bus “komandası adı altında mübarizə apardı. Komandanın mentoru Sitarə Nağıyeva , üzvləri 9b sinif şagirdi Ağayeva M. və 10a sinif şagirdi Balakişiyeva F. “Jury Award” mükafatına layiq görüldü.
Məktəb rəhbərliyi informatika müəllimi N. Sitarəni və komanda iştirakçılarını fəxri fərmanla təltif etdi.
