Şəhidlərimizin önündə baş əyirik !
Bu gün 27 Sentyabr Anım Günü ilə əlaqədar 1c sinfi sinif rəhbəri Pənahova Vüsalə ilə birlikdə şəhid Əmir Kazımovun ev muzeyini ziyarət etmişdir. Anası Xuraman xanım görüş zamanı şagirdlərə qürurla oğlunun uşaqlığından, vətənpərvərliyindən, döyüşdə göstərdiyi şücaətindən danışmış, bir qəhrəman böyütdüyünü fəxrlə vurğulamışdır. Şagirdlər şəhidin təltif olunduğu medal və ordenlərlə tanış olmuş, şəkillərini izləmişlər. Həmçinin şagirdlər məktəbin qarşısında Şağan şəhidlərinin abidəsi önünə qərənfil düzmüş, qazi və veteranlarla görüşmüşlər. Canlı qəhrəmanlarımız keçdikləri döyüş yolundan danışmış, onlara da bir vətənpərvər qəhrəman olmağı arzulamışlar.
