Ənənə və idman
Qədim tarixə malik “milli güləş” in elementlərinə Qobustan qayalarında, şifahi xalq ədəbiyyatında, klassik ədəbiyyatda, dastanlarda rast gəlmək olar. Bu milli idman növü üzrə yarışlar Azərbaycanın toy və bayram şənliklərdə keçirilirdi. Həmçinin milli bayramımız Novruzda da bu idman növünün ustaları öz bacarıqlarını nümayiş etdirir və insalarda ruh yüksəkliyi yaradırlar. Güləşin gənclərin sevimli məşğələsinə çevrilməsi milli irsimiz və ənənələrimizlə bağlıdır. Bununla əlaqədar olaraq məktəbimizdə fəaliyyət göstərən 5 №-li Olimpiya Ehtiyatları Uşaq Gənclər İdman məktəbinin güləşçiləri arasında dostluq görüşü keçirilmişdir. Bütün iştirakçılar sonda fəxri fərmanla təltif olunmuşdur.
