Xocalı nişanəsi
Fevralın 25-də Bakı Şəhər Mədəniyyət Baş İdarəsi Şağan qəsəbə Mədəniyyət Mərkəzində Xocalı soyqırımının 30-cu ildönümü ilə əlaqədar “Xocalı nişanəsi” adlı anım tədbiri keçirilib.
Tədbir Azərbaycan Respublikasının Dövlət Himni ilə başlanıb.Sonra Xocalı soyqırımı qurbanlarının əziz xatirəsi bir dəqiqəlik sükutla yad edilib. Məktəbin 8Ç sinfinin şagirdləri sinif rəhbəri Mərdanova Vüsalənin rəhbərliyi ilə Xocalı faciəsini əks etdirən şeirlər söyləmiş, soyqırım haqqında xarici mətbuatda dərc olunan məqalələri dinləyicilərin nəzərinə çatdırmışlar.
Şağan qəsəbə inzibati ərazi dairəsi üzrə nümayəndəliyin sədri, tarix elmləri doktoru, etnoqraf Təvəkkül Səlimov və faciənin canlı şahidi olan Ağdam rayon sakini Kəmalə Mustafayeva şagirdlərə o illərin ağrı-acısından, köməksiz insanlara edilən zülmlərdən, müsibətlərdən danışaraq məlumatlandırıblar.
Sonda Xocalıda törədilən amansız vəhşiliklərdən bəhs edən “Xocalı nişanəsi” adlı videoçarx nümayiş olunub.
