“Bir millət - iki dövlət”
26.02.2016-cı il tarixində Xəzər rayonu H.Z.Tağıyev adına 123 №-li tam orta məktəbə Türk İzcilik Federasyonunun başkanı H.D.Subasinin başçılığı altında 120 nəfərlik nümayəndə heyəti gəlmişdir.Nümayəndə heyəti əvvəl Şəhidlər Xiyabanını, Xocalı abidəsini ziyarət etmiş, sonra məktəbin həyətində yerləşən türk şəhidlərinin qəbrini ziyarət etmiş, məzarları üzərinə tər çiçəklər düzmüşlər.Əvvəlcə Azərbaycan Respublikasının və Türkiyə Cumhuriyyətinin himnləri oxunmuş, şagirdlərimiz şəhidlərimizə, Türk-Azərbaycan qardaşlığına həsr olunmuş şeirlər söyləmişlər.Türk-Azərbaycan qardaşlığından geniş söz açılmış, “Bir millət-iki dövlət” olduğumuz bir daha vurğulanmışdır.
