Etwinningdən Milli Keyfiyyət Nişanlarımız
Məktəbimizdə keçən il iki etwinning layihəsi var idi. Bunlar ingilis dili müəllimi Vəfa Salehovanın iştirakı ilə "Let's be well together" və "English Outside School" layihələridir. Bu layihələrdə 7d sinfinin üç şagirdi Nicat Ağalarov, Məryəm Əlisəttarova və Məsumə Əliyeva, 10a sinfindən Quliyeva Ləman, Rüstəmli Həqiqət və 10b sinfindən Nihat Qədirov iştirak etmişdir. Bu layihədə iştirak edən ölkələr arasında Azərbaycan, Türkiyə, Rumıniya və Yunanıstan və Latviya nümayəndələri də vardır. Layihədən dostlaşdıqları xarici məktəb şagirdləri ilə layihə bitsə də münasibətlərini davam etdirməyi düşünürlər. Dekabrdan başlanmış bu layihəni artıq may ayının sonunda yekunlaşdırdıq. Çox sevindirici haldır ki, 30.09.2024-cü il tarixində hər iki layihəmiz də milli keyfiyyət nişanına layiq görülmüşdür.
