123 №-li tam orta məktəb

       Məhəmməd Füzuli Azərbaycan ədəbi-bədii fikrinin inkişafında müstəsna yer tutan, Yaxın və Orta Şərq ölkələri ədəbiyyatına mühüm təsir göstərən qüdrətli sənətkardır.

Bu gün türkdilli xalqların hər biri Füzulini öz doğma şairi kimi sevir və onun 530 illik yubileyini təntənəli şəkildə qeyd edir. Füzulinin humanizm və ümumbəşəri dəyərlərlə mayalanmış yaradıcılığı bütün bəşəriyyət üçün mənəvi qidadır.

    Dahi Azərbaycan şairi Məhəmməd Füzulinin 530 illiyinin qeyd edilməsi haqqında Azərbaycan Respublikası Prezidentinin sərəncamının icrası ilə əlaqədar aprel ayı ərzində məktəblərdə "Məhəmməd Füzuli ayı" layihəsinə start verildi.

    Bu məqsədlə 25.04.2024-cü il tarixdə H.Z.Tağıyev adına 123 saylı tam orta məktəbin kitabxanasında ədəbiyyat müəllimi Vəfa Məmmədova, kitabxanaçı Nigar Süleymanovanın təşkilatçılığı, 5d sinif şagirdlərinin iştirakı ilə Məhəmməd Füzulinin "Meyvələrin söhbəti" alleqorik məsnəvisi səhnələşdirildi.

Şagirdlərin ifasında böyük həvəslə təqdim olunan kompozisiya hamı tərəfindən rəğbətlə qarşılandı.

    24.04.2024-cü il tarixdə H.Z.Tağıyev adına 123 saylı tam orta məktəbdə Məhəmməd Füzulinin 530 illik yubileyinə həsr olunmuş IX sinif şagirdləri arasında " Ver sözə ehya ki"adlı Breyn-rinq yarışı keçirildi.Yarış Məhəmməd Füzulinin həyat,yaradıcılığından ,dövlət səlahiyyətliləri üçün yazdığı şeirlərindən tərtib olunmuş suallar əsasında keçirildi. Hətta komandalar öz adlarını "Ənisül-qəlb", "Padişahi-mülk", "Söz", "Şəbi-hicran" seçməklə bu yarışa nə qədər böyük həvəslə yanaşaraq, kitabxanadan bədii kitablarda araşdırmalar apararaq öz bilik və bacarıqlarını nümayiş etdirdilər. İntellektual yarışma maraqlı keçdi. Nəticələr elan olundu. Çox kiçik fərqlərlə komandalar layiq olduqları yerlərə görə fəxri fərmanlarla təltif edildilər. Məktəbin direktoru Sevinc müəllimə şagirdlərə gözəl yarışa görə təşəkkür edib,onlara uğurlar dilədi. Yarışın sonunda xatirə şəkilləri çəkildi.

    22.04.2024-cü il tarixdə H.Z.Tağıyev adına 123 saylı tam orta məktəbin 9c və 10a sinif şagirdləri ilə "Reproduktiv sağlamlıq" mövzusunda maarifləndirici tədbir təşkil olundu. Tədbiri keçirməkdə əsas məqsəd gənc nəslin sağlam böyüməsi, onların zərərli vərdişlərdən qorunması, habelə gələcəkdə sağlam ailə qurması üçün uşaq və yeniyetmələr arasında sağlam həyat tərzi və reproduktiv sağlamlıqla bağlı maarifləndirmə işlərini genişləndirməkdən ibarətdir.

    Son zamanlar təhsil müəssisələrində müşahidə olunan ən qabarıq problemlərdən biri təhsilalanların təzyiq və aqressiv davranışların hədəfi olmasıdır. Onlardan biri son vaxtlar leksikonda yer almış bullinqdir. Bullinq -bir uşağın başqaları tərəfindən təqib olunması aqressiv davranışdır ki, məktəblərdə rast gəlinir. Başqalarına qarşı aqressiv, alçaldıcı davranışlar həmişə bir şəxsin öz nüfuzunu təsdiq etmək,əylənmək və ya hər hansı marağı naminə edir.Digər uşaqlar isə bullerin hərəkətini müşahidə edərək ya onlara məhəl qoymur,ya qəzəblənir,ya da müdaxilə etməyə çalışırlar. Bu məqsədlə 23.04.2024-cü il tarixində H.Z.Tağıyev adına 123 saylı tam orta məktəbin psixoloqu Aygün Əsgərova, Azərbaycan Dövlət Mədəniyyət və İncəsənət Universitetinin müəllimi, Azərbaycan Respublikası Təhsil İnstitunun doktorantı Günay Məmmədzadə IV-XI sinif şagirdləri ilə "Bullinq nədir,ondan necə qorunaq?" mövzusunda seminar təşkil etdilər. Şagirdlərə anket sorğusu paylanıldı, mövzuya dair müzakirələr aparıldı, bullinqə qarşı mübarizə yolları araşdırıldı. Seminarın təşkil olunmasında əsas məqsəd məktəbdə sağlam mənəvi-psixoloji mühitin təmin edilməsi, təhsilalanların hansı fiziki və psixoloji zorakılıq hallarından qorunmasına yardımçı olmaqdır.

    23.04.2024-cü il tarixdə Xəzər rayonu H.Z.Tağıyev adına 123 saylı tam orta məktəbdə "Məhəmməd Füzuli və Türk dünyası" adlı elmi praktik konfrans keçirildi.

    Konfransda məktəb rəhbərliyi,müəllimlər, Azərbaycan Dövlət Mədəniyyət və İncəsənət Universitetinin müəllimi, Azərbaycan Respublikası Təhsil İnstitunun doktorantı Günay Məmmədzadə və 8-9-cu sinif şagirdləri iştirak etdilər.

    Tədbir iştirakçıları Məhəmməd Füzulinin Azərbaycan xalqının dünya ədəbiyyatına bəxş etdiyi qüdrətli sənətkar olduğunu, Azərbaycan ədəbi-bədii fikrinin inkişafında müstəsna yer tutduğunu vurğuladılar.