Planetimizi qoruyaq
25 dekabr 2023-cü il tarixdə Azərbaycan Respublikasının Prezidenti İlham Əliyev ölkəmizdə 2024-cü ilin “Yaşıl dünya naminə həmrəylik ili” elan edilməsi haqqında Sərəncam imzalayıb. Sərəncamda Azərbaycan Respublikasının beynəlxalq ictimaiyyətin etibarlı və məsuliyyətli üzvü kimi iqlim dəyişmələrinin fəsadlarına qarşı mübarizəyə öz töhfəsini verdiyi qeyd olunur. Bildirilir ki, Azərbaycanın 2030-cu ilə qədər sosial-iqtisadi inkişafa dair beş milli prioritetindən biri “Təmiz ətraf mühit və yaşıl artım ölkəsi” kimi müəyyən edilmişdir. Həmin prioritetə uyğun olaraq, ətraf mühitin sağlamlaşdırılması, yaşıllıqların bərpası və artırılması, su ehtiyatlarından və dayanıqlı enerji mənbələrindən səmərəli istifadənin təmin edilməsi istiqamətində işlər aparılır. Bu məqsədlə 02.10.2024-cü il tarixdə məktəbin coğrafiya müəllimi Gülnarə Əzimova Xp sinif şagirdləri ilə birlikdə açıq havada "Planetimizi qoruyaq" mövzusunda dərs təşkil etdi. Dərsdə Gülnarə müəllimə Yer səthinin ağ ciyərləri sayılan yaşıllıqların qorunması barədə şagirdlərə geniş məlumat verdi.
