Hacı Zeynalabdin Tağıyevin 130 illik əmanəti
Azərbaycan tarixinə H.Z.Tağıyev sahibkarlığın görkəmli nümayəndəsi, xeyriyyəçi, maarifpərvər və ictimai xadim kimi daxil olmuşdur. Hacının xeyriyyəçilik tədbirləri xalqın yaddaşına əbədi həkk olunmuşdur. Xalqının savadlanmasını, maariflənməsinə hər şeydən üstün tutan Hacı 1894-cü ildə Mərdəkanda kənd təsərrüfatı və bağçılıq məktəbi tikdirmək qərarına gəlir. Bunu məktəbin giriş qapısı üzərindəki daş kitabədə yazılmış sözlər təsdiq edir. Hal-hazırda həmin təhsil ocağı Hacının öz adını daşıyan 123 nömrəli məktəbdir. 02.11.2024-cü tədris ilində məktəbin 130 illik yubileyi təntənəli şəkildə qeyd edildi.Yubiley tədbirində məktəbin məzunu olmuş elm və incəsənət xadimləri,Xəzər rayon İcra Hakimiyyətinin əməkdaşları, Mərdəkan Bələdiyyə sədri, Mərdəkan qəsəbə nümayəndəsi, məktəb direktorları iştirak etdilər. H.Z.Tağıyevin məktəb həyətindəki büstü üzərinə tər çiçəklər qoyuldu. Sonda xatirə şəkilləri çəkildi. https://www.youtube.com/watch?v=kNjrSCEIMUM&t=81s
