Praktik imtahan
ARTİ- nin Peşə və ömürboyu təhsilin proqramları şöbəsi tərəfindən Peşə Təmayüllü siniflərin təşkil etdiyi 100 ümumi təhsil müəssisələrində təhsil alan XI sinif şagirdlərinin X sinifdə təhsil aldığı ixtisas üzrə qazandığı praktik və yumşaq bacarıqların ölçülməsi məqsədilə qiymətləndirmə imtahanları keçirilir. Xəzər rayon H.Z.Tağıyev adına 123 saylı tam orta məktəbin XIp sinif şagirdləri üçün təşkil olunan praktik imtahan 01.11. 2024-cü il tarixdə baş tutdu. Komissiyanın sədri, məktəbin direktoru Sevinc Mustafayeva və ARTİ- nin əməkdaşları Fərzəliyev Anar, Səfərova Xəyalə şagirdlərin bacarıqlarını, əməkdaşlıq və düzgün iş bölgüsü prosesini qiymətləndirirlər. Komissiya tərəfindən şagirdlərə faydalı məsləhətlər verildi və gələcək fəaliyyətində uğurlar arzuladı. Sonda xatirə şəkilləri çəkildi.
