3D sinfində nümunəvi dərs
23.10.2024-cü il tarixdə H.Z.Tağıyev adına 123 saylı tam orta məktəbin ibtidai sinif müəllimi Əfəndiyeva Jalə 3D sinfində Azərbaycan dili fənnindən “Piza qülləsi” mövzusunda nümunəvi dərs keçirdi. Dərsdə dünyada və ölkəmizdə tikilmiş, qədim tarixə, mədəni irsə malik, füsunkarlığı ilə hər kəsin görməyə can atdığı tarixi memarlıq abidələri mövzusunda maraqlı videoçarx və slaydlar təqdim olunaraq müzakirələr aparıldı. Şagirdlərə dərs boyu formativ rəy verildi. Piza qülləsi mətninin səssiz oxusundan sonra qruplarla iş təşkil edildi. Şagirdlər mövzu üzrə verilən sual və test tapşırıqlarını cavablandırdılar. Öyrəndiklərini ümumiləşdirmək üçün krossvord tapşırığı şagirdlərə təqdim olundu. Verilmiş tapşırıqların müzakirəsindən sonra qruplar qiymətləndirildi.Nümunəvi dərsdə məktəbimizin direktoru Mustafayeva Sevinc, məktəbin psixoloqu Əsgərova Aygün və məktəbin digər müəllimləri iştirak etdilər. Keçirilən dərs məktəb rəhbərliyi tərəfindən yüksək qiymətləndirildi.
