Beynəlxalq Kitab Bağışlama Günü
14 fevral "Beynəlxalq Kitab Bağışlama Günü" təqvimdə ən gənc bayramlardandır. Bu gün uşaqlara kitab bağışlayan və onlarda kitaba məhəbbət yaradan bütün insanları birləşdirir.
Bu bayram 2012-ci ildə özünün meydana gəlməsində ABŞ-da məşhur Delightful Children's Book uşaq kitab saytının yaradıcısı Emmi Brodmura borcludur. Bu əlamətdar günün yayılmasında məşhur müəlliflərin, bloggerlərin və uşaq yazıçılarının dəstəyi mühüm rol oynamışdır. İki il ərzində bu təşəbbüs dünyada dəstək qazanmış və indi də yeni iştirakçılar cəlb etməkdə davam edir.
Biz də bu təşəbbüsə qoşularaq məktəbimizin kitabxanasında tədbir keçirdik. Fəal oxucularımıza kitab hədiyyə etdik, onlar da öz oxuyub bitirdikləri kitabları məktəbimizin kitabxanasına bağışladılar.
