Şagirdlərin həyatında məktəb,müəllim,valideyn üçbucağının rolu və əhəmiyyəti
09.10.2023-cü il tarixdə H.Z.Tağıyev adına 123 saylı tam orta məktəbdə "Şagirdlərin həyatında məktəb,müəllim,valideyn üçbucağının rolu və əhəmiyyəti"mövzusunda valideynlərlə dəyirmi masa keçirildi.
Dəyirmi masanın keçirilməsində əsas məqsəd dövrün aktual məsələlərindən biri olan valideyn-məktəb münasibətlərinin şagirdlərin həyatında rolu və əhəmiyyətini təhlil etmək, təhsilin məzmununda, təlim-tərbiyənin təşkili məsələlərində baş verən dəyişikliklərlə və tələb olunan fəaliyyətlərlə bağlı müəllim və valideynləri maarifləndirmək, müəllim,şagird,valideyn münasibətlərini düzgün formalaşdırmaq, valideynləri məktəb həyatında fəal iştiraka təşviq etmək, şagirdlərin adaptasiyası istiqamətində valideynlərə müvafiq tövsiyələr vermək, onların adaptasiya prosesini rahatlıqla keçirməsini təmin etmək, şagirdlərin tərbiyə və təlim prosesində meydana çıxan çətinliklərini aradan qaldırmaq, psixoloji dəstək göstərmək, habelə məktəb-valideyn əlaqələrini gücləndirməkdən ibarət oldu.
