Tariximizin şərəf və qəhrəmanlıq səhifəsi
Hər bir xalqın tarixində həm faciəli məqamlar, həm də qəhrəmanlıq səhifələri olur. 20 Yanvar Azərbaycan tarixinə faciə və qəhrəmanlığın eyni vaxtda yaşandığı gün kimi yazılıb. Vətənin azadlığı naminə canlarını qurban verən həmin insanlar milyonlara fədakarlıq dərsi keçdilər. Prezident İlham Əliyev 20 Yanvar şəhidlərinin fədakarlığını, vətən qarşısındakı xidmətlərini yüksək qiymətləndirərək deyib: "Azadlıq, müstəqillik uğrunda, Vətən uğrunda özlərini qurban verən şəhidlərimizin hamısının xatirəsini həmişə qəlbimizdə yaşatmalıyıq. Hesab edirəm ki, bugünkü müstəqil, qüdrətli Azerbaycan xalqımızın ən böyük sənətidir. Şəhidlərimizin canlarini qurban vermiş insanların bu işdə böyük xidməti olmuşdur. Bu da heç vaxt yaddan çıxarılmamalıdır.
18.01.2023-cü il tarixində H.Z.Tağıyev adına 123 saylı tam orta məktəbdə 20 Yanvar faciəsinin 33-cü il dönümünə həsr olunmuş "Tariximizin şərəf və qəhrəmanlıq səhifəsi" başlığı altında 5-9-cu sinif şagirdləri ile şeir müsabiqəsi təşkil olundu. Müsabiqədə 20 Yanvar şəhidlərinə həsr olunmuş şeirler söylənildi. Sonda qaliblər müəyyən olundu. Onlar diplomlarla təltif olundular.
