Əhməd Cavad işığında
"Cümhuriyyət" deyilən zaman yada hamıdan əvvəl Əhməd Cavad düşür.Üçrəngli poeziya bədii yaddaşa ilk öncə məhz onun qələmi ilə həkk olunmuşdur.
O,Azərbaycan milli şeirinin ən qüdrətli ustadlarından biri kimi geniş şöhrət qazanmışdır.
Qəlbi Vətən eşqi ilə yanan bu böyük sənətkar əsərlərində Vətənə və xalqına məhəbbətini əks etdirmiş,milli duyğuları dilə gətirmiş,elm,maarif,milli oyanış və ana dili kimi məsələləri gündəmə çıxarmışdır.
Bu il vətənpərvər şairimizin 130 illiyini qeyd edirik.H.Z.Tağıyev adına 123 saylı tam orta məktəbdə 15.11.2022-ci il tarixdə XI b sinif şagirdləri ilə Əhməd Cavadın həyat və yaradıcılığına həsr olunmuş dəyirmi masa keçirildi.Şairin keşməkeşli yaradıcılıq yolundan söhbət açıldı "Səsli Qız"əsərindən kiçik hissəciklər dinlənildi.Sonda şagirdlər S.Sevincin ifasında "Çırpınırdı Qara dəniz"mahnısını dinlədilər.
