Valideynin məktəbdə bir günü !
Valideyn-məktəb əməkdaşlığı və bir-birini qarşılıqlı olaraq dəstəkləməsi şagirdin inkişafı üçün əlverişli mühitin yaradılmasının əsas şərtidir. "Məktəb-valideyn" münasibətləri şagirdlərin nailiyyətlərinə və məktəbdə təhsilin keyfiyyətinə təsir edən əsas amildir.
Məktəb-valideyn əməkdaşlığını genişləndirmək məqsədilə H Z Tağıyev adına 123 saylı tam orta məktəbdə "Valideynin məktəbdə bir günü" adlı layihə çərçivəsində valideynlərlə görüş keçirildi.Valideynlər övladlarının təhsil aldıqları müəssisə ilə yaxından tanış oldular. Onlara məktəbin fəaliyyəti,tədris prosesi barədə ətraflı məlumatlar verildi. Məktəb rəhbərliyi tərəfindən təşkil olunmuş seminarda maarifləndirici söhbət aparıldı. Məktəb-valideyn əməkdaşlığının önəmindən tövsiyələr verildi.
