Yeni ilə yeni arzularla!
Təqvim ili sona çatdıqca hər yerdə Yeni il əhval-ruhiyyəsi hiss olunur. Yeni il bayramından söhbət düşəndə hamının ağlına ilk öncə Şaxta baba gəlir. Onun gəlişini ən çox gözləyən isə uşaqlardır. Şaxta baba bütün dünyada hədiyyə paylayan, arzu və istəkləri həyata keçirən xeyirxah varlıq kimi tanınır. Məhz buna görə də uşaqlar arzu və istəklərini Şaxta babaya ünvanlayırlar.
Şaxta babaya inancın uşaqlardakı xəyal gücünə nə qədər təkan verdiyini yoxlamaq məqsədilə Xəzər rayonu H.Z.Tağıyev adına 123 saylı tam orta məktəbin ibtidai siniflərində "Şaxta babaya məktub" adlı sorğu keçirildi.Uşaqlar balaca qəlblərindəki arzularını, istəklərini ağ vərəqə köçürdülər.
