Bu günün və sabahın peşələri
Məktəb illəri şagirdlərin peşə seçimi üçün vacib dövr hesab edilir. Onlar bu dövrdə seçdikləri peşə haqqında qərar verirlər. Bu gün şagirdləri peşəyə hazırlamaq və iş həyatı ilə məktəb arasındakı əlaqələri sıxlaşdırmaq təhsilin qarşısında duran vəzifələrdən biridir. Öz qabiliyyətləri, maraq və ehtiyacları haqqında doğru məlumat və qiymətləndirməyə sahib olmayan şagirdlər peşənin verdiyi fürsətlər, onun üstünlükləri, mənfi cəhətləri və
s. haqqında çox vaxt kimdənsə eşitdikləri səthi məlumatlarla ali təhsilə və yaxud iş həyatına gəlirlər.
Dünya sürətlə dəyişir: insanları robotlar, sürücüləri avtopilotlar əvəz edir, plastik kartlar həyatımıza geniş daxil olur, ənənəvi təhsil ilə yanaşı virtual təhsil formaları artıq müasir həyatın reallığına çevrilir.Peşəkar kadrlara ən böyük ehtiyac kənd təsərrüfatı, robototexnika, tibb, energetika və xammal sahələrində yaranacaq.
