Əmək nədir?
Əməyə və peşəyə meyllilik ona hörmət və məhəbbətlə sıx bağlıdır. Bu baxımdan kiçik yaşlı məktəblilərlə aparılan peşəyönümü işinin mərkəzində məhz bu məsələ dayanmalı və şagirdlərin peşələr aləmi ilə daha tez tanış edilməsi ilə sıx bağlanmalıdır.
Kiçik yaşlı məktəblilər nə qədər çox peşə ilə tanış olsalar və onlar haqqında müəyyən məlumatlara yiyələnsələr gələcək peşəseçmə işi də bir o qədər düzgün və şüurlu olar. Həyatda çox belə faktlara rast gəlmək olur ki, şagirdlərin ibtidai siniflərdə maraq göstərdikləri müəyyən bir peşə onların sonrakı həyat yoluna, peşə planına çevrilir və elə həmin peşəyə bağlanırlar.
