"28 May - Respublika Günü" tariximizin ən şanlı və parlaq səhifələrindəndir
103 il bundan əvvəl 1918-ci il mayın 28-də Azərbaycan Xalq Cümhuriyyətinin yaradılması ölkəmizin həyatına böyük tarixi hadisə kimi daxil oldu. Müstəqil, azad, demokratik respublika qurmaq məqsədini qarşıya qoyan Azərbaycan Xalq Cümhuriyyəti cəmi 23 aylıq fəaliyyəti dövründə xalqın milli mənlik şüurunu özünə qaytardı, onun öz müqəddəratını təyin etməyə, qadir olduğunu nümayiş etdirdi.
Yeni qurulan Azərbaycan Xalq Cümhuriyyəti öz üzərinə götürdüyü çətin tarixi vəzifəni şərəflə yerinə yetirdi.
XX əsrin sonlarında yenidən müstəqilliyinə qovuşan Azərbaycan öz suverenliyini qoruyub saxlamağı bacardı. Yenidən hakimiyyətə qayıdan Ümummilli lider H. Əliyev Azərbaycan dövlətçiliyinin qorunması üçün qətiyyətli tədbirlər gördü, ölkədə davamlı ictimai-siyasi sabitliyi bərqərar etdi. Beləliklə, Heydər Əliyevin şah əsəri olan Müasir Müstəqil Azərbaycan dövləti quruldu və sürətli inkişaf yoluna qədəm qoydu.
Azərbaycan Xalq Cumhuriyyətinin tariximizdə yeri və roluna xüsusi qiymət verən Heydər Əliyev deyirdi: "Biz ilk Demokratik Cumhuriyyətin yaranması gününü əziz tutaraq, onu Azərbaycanın Dövlət Müstəqillik Günü - Respublika Günü elan etmişik və bu bizim milli bayramımızdır".
Bu gözəl bayram münasibətilə Xəzər rayonu H. Z. Tağıyev adına 123 saylı tam orta məktəbdə silsilə tədbirlər keçirildi. Tədbirlər həm əyani, həm də onlayn şəkildə təşkil olundu.
