20 Yanvar rəsm müsabiqəsi
Zaman ötür. İllər əsrlərə, əsrlər minilliklərə-tarixə çevrilir. Zaman axımında baş verən tarixi hadisələrin bəziləri müəyyən dövrdən sonra yaddan çıxır, unudulur amma elə hadisələr də var ki, xalqın, millətin yaddaşında əbədiləşir.
20 Yanvar xalqımızın tarixində təkcə faciə deyil, həm də istiqlal mücadiləsinin qələbəsi, azadlıq istəyinin oyanış günüdür.
31 ildir Azərbaycan xalqı bu günü Vətənimizin azadlığı və suverenliyi uğrunda qurban getmiş mərd oğul və qızlarının xatirəsini dərin hörmət və ehtiramla yad edir.
18.01.2021-ci il tarixində Xəzər rayonu H. Z. Tağıyev adına 123N-li tam orta məktəbdə 20 Yanvar şəhidlərinin xatirəsinə həsr olunmuş rəsm sərgisi təşkil olundu. Sərgidə biri-birindən maraqlı rəsmlər nümayiş olundu. Rəsm sərgisi online şəkildə bütün siniflərə nümayiş etdirildi.
