Nəsimi yaradıcılığı ilə bağlı “Dəyirmi masa”
23 may 2019-cu il tarixində Nəsimi yaradıcılığı ilə bağlı Azərbaycan dili və ədəbiyyatı müəllimi Əfsanə Xalıqova “Dəyirmi masa” keçirdi. “Dəyirmi masa”da fənn müəllimləri və VIII- XI sinif şagirdləri iştirak edirdilər. Müəllim ilk öncə Nəsimi yaradıcılığı ilə bağlı geniş məlumat verdi. Daha sonra “Nəsimi” filmindən fraqmentlər təqdim olundu. VIII sinif şagirdləri Nəzakət Usubova və Röya Əzimova şairin həyatı və hürufiliyi təbliğ etməklə bağlı topladıqları məlumatlarla əlaqədar hazırladıqları məruzələrlə çıxış etdilər. XI sinif şagirdi Qurban Quluzadə və VIII sinif şagirdləri Aysu Paşayeva və Həbibə Seyidova şairin şeirlərini səsləndirdilər. “Dəyirmi masa” da şagirdlər tərəfindən çəkilmiş Nəsiminin portreti də nümayiş olundu.
Azərbaycan klassik ədəbiyyatının ən görkəmli nümayəndələrinin həyat və yaradıcılığı ilə şagirdləri daha yaxından tanış etmək məqsədi ilə dil -ədəbiyyat müəllimi Əzizə Səlimova yuxarı sinif şagirdləri ilə birlikdə Nizami Gəncəvi adına Ədəbiyyat Muzeyinə ekskursiya təşkil etmişdir.
