121 №-li tam orta məktəb

18 Yanvar 2020-ci il tarixində 20 yanvar Ümümxalq Hüzn  gününün 30 illiyinə həsr olunmuş “Azadlığa gedən yol” adlı tədbir keçirildi. Tədbirin təşkilatçısı Sürayə Bayramova xalqımızın başına gətirilmiş faciə haqqında geniş məlumat verdi. Tədbirdə məktəbin şagirdləri şeirlər söylədilər və səhnəciklər göstərildi. Sonra yazıçı jurnalist Xanım Məmmədova  20 Yanvar Şəhidlərinə həsr etdiyi seiri söylədi. Tədbirin sonunda çıxışları ilə fərqlənən şagirdlər diplomla təltif edildi.

17 Yanvar 2020-ci ildə  8 nömrəli Uşaq Gənclər İnkişaf Mərkəzinin dərnək rəhbərii Əfsanə Əzizova  və məktəbimizin təsviri incəsənət müəllimi Bayramnisə Quliyeva tərəfindən şagirdlərimizin rəsm əsərlərindən ibarət  20 Yanvar faciəsinə aid sərgi və tədbir keçirildi. Sərgidə məktəbin direktoru Akif Abdullayev və Əfsanə Əzizova şəhidlərimiz haqqında danışdı. Tədbirdə məktəbin təlim-tərbiyə işləri üzrə direktor müavini Həməşəxanım Bayramova və İbtidai siniflər üzrə direktor müavini Fatimə Bəşirova da iştirak etdi. Tədbirdə bir dəqiqəlik sükutla şəhidlərimiz yad edildi. Sonda məktəbin adını daşıyan şəhid Əmirəhməd Quliyevin büstünün qarşısına  güllər qoyuldu və yad edildi.

15 yanvar 2020 tarixdə VIII sinif şagirdləri arasında Azərbaycan dili və ədəbiyyat fənnindən “Breyn-rinq”  bilik yarışması  keçirilmişdir. Fənn müəllimləri hər iki fənn əsasında suallar tərtib etmiş və şagirdlər həmin sualları şifahi deyil, yazılı şəkildə cavablandırmışlar.

Verilmiş cavablar əsasında müəyyən olunmuşdur ki, VIII“^B” sinfinin şagirdləri sualları daha düzgün və dəqiq cavablandırmışlar. Həmin sinfin şagirdləri yüksək qiymətləndirilmiş və onlara tərifnamə verilmişdir. II yerə isə VIII“^A” sinfinin şagirdləri layiq görülmüşlər. Onlar da göstərdikləri nəticələrə əsasən mükafatlandırılmışlar.

 Bakı Şəhəri üzrə Təhsil İdarəsi tərəfindən keçirilən monitorinqdə  9-cu siniflərdə Azərbaycan dili, riyaziyyat və ingilis dili fənnindən zəif nəticə göstərən şagirdlərlə hər həftə məktəb rəhbərliyi tərəfindən tərtib olunmuş qrafik üzrə mütəmadi olaraq dərsdən sonra əlavə məşğul olunur. Onların keyfiyyət göstəricilərinin yüksəlməsi üçün müəllimlər müxtəlif üsul və vasitələrindən istifadə edirlər. Bu nəticələr metodbirləşmə və  valideyn iclaslarında müzakirə edilir. Nəticələr mütəmadi olaraq monitorinqlərlə yoxlanılır. Faiz göstəriciləri hesablanır.

30 dekabr 2019-cu il tarixində Bakı Şəhər Mədəniyyət Baş İdarəsinin təşkilatçılığı ilə Binə qəsəbəsinin Mədəniyyət mərkəzində “Bakı 100 il musiqi gözü ilə” adlı tədbir keçirilmişdir. Tədbirin məqsədi milli mənəvi dəyərlərimizi, musiqimizi, şeiriyyatımızı tərənnüm etmək və bunları Bakının qədim tarixi, keçmişi ilə əlaqələndirmək idi.Tədbirdə bir çox ifalar oldu. Bizim məktəbin incəsənət sahəsində fəal şagirdlərindən olan XI ^“B” sinif şagirdi Yusif İsmayılov da tədbirdə yaxşı çıxışına görə fəxri fərmanla təltif olundu.Belə ki,o Tahir Rəvanın “Bakı” şeirini səsləndirdi.Fəxri fərmanı şagirdimizə Binə qəsəbə Mədəniyyət mərkəzinin bədii rəhbəri Gülxanım müəllimə təqdim etdi və ona gələcəkdə də bol uğur və yeni nəaliyyətlər arzuladı.