“ Əbədi ezamiyyət”filminə baxış keçirildi
02 may 2018-ci il tarixdə “Cümhuriyyət ili” Azərbaycan dövlətinin və xalqının “Cümhuriyyət qurucularına dərin hörmət və ehtiramının ifadəsidir” mövzusunda tarix müəllimi Şahnaz Dadaşovanın rəhbərliyi ilə VIII-XI sinif şagirdlərinə “Əbədi ezamiyyət” sənədli filmi nümayiş etdirildi. Ssenari müəllifi Müsəllim Həsənov ,quruluşçu rejissorlar Vüqar İslamzadə və Fariz Əhmədovun ərsəyə gətirdiyi sənədli film 2016-cı ildə “Baku Media Center” tərəfindən çəkilmişdir. Film müəllimlər və şagirdlər tərəfindən maraqla qarşılandı.Filmə baxdıqca müstəqilliyimizin hansı əziyyətlər bahasına əldə olunduğunu görürük. Çar Rusiyasının işğal etdiyi Azərbaycan öz müstəqilliyini elan edərək 23 ay şərəflə yaşadı, qəhrəman oğulların sayəsində Azərbaycan Cümhuriyyəti 1920-ci ildə Fransada bütün dövlətlər tərəfindən de-fakto tanındı. Cümhuriyyətin süqutu nəticəsində vətənə dönə bilməyən bu fədailər “əbədi ezamiyyət”də qalmağa məcbur oldular. Kadrlara baxdıqca müstəqil dövlətimizin varlığının bizim üçün nə qədər qürurverici olduğunu anlayırıq. Film şagirdlərin biliklərinin yenilənməsi baxımından əhəmiyyətli oldu.
