"Dəyirmi masa" keçirildi
15 mart 2018-ci il tarixdə "Azərbaycan Xalq Cümhuriyyəti Şərqdə və müsəlman dünyasında ilk parlamentli demokratik respublikadır" mövzusunda "Dəyirmi masa " keçirildi. Tədbirdə tarix müəllimləri Şahnaz Dadaşova , Nadir İmamverdiyev və VIII -XI sinif şagirdləri iştirak edirdi. Nadir İmamverdiyev müstəqil respublikanın qəbul etdiyi " İstiqlaliyyət Bəyannaməsi " nin mahiyyətini və parlamentin 17 ay ərzindəki fəaliyyətindən danışdı. Şahnaz Dadaşova 7 dekabr 1918-ci ildə Azərbaycan Xalq Cümhuriyyətinin parlamentinin ilk iclasında Məmməd Əmin Rəsulzadənin çıxışından sitatlar gətirərək fəaliyyəti dövründə parlamentin qəbul etdiyi yüksək səviyyəli qanunvericilik akt və qərarlarından söhbət açdı. XIa sinif şagirdi Əli Mürsəlov parlament mədəniyyəti tarixində dərin və zəngin iz qoymuş qanunlardan bəhs etdi.IXb sinif şagirdləri Firuzə Məlikzadə və Leyla Əliyeva parlamentin sədri Əlimərdan bəy Topçubaşovun başçılığı ilə Paris sülh konfransına xüsusi nümayəndə heyətinin göndərilməsindən, VIIIb sinif şagirdləri İmanqulu Atakişiyev və Şəfiqə Hüseynli AXC-nin bir sıra böyük dövlətlər tərəfindən de-fakto tanınmasına baxmayaraq XI Qızıl Ordunun Şimali Azərbaycanı işğal etməsi ilə süquta uğramasından ,XIa sinif şagirdi Münəvvər Məmmədzadə AXC-nin dövlət atributlarından və 1991-ci ildə dövlət müstəqilliyinin tarixi varislik üzərində yeni müstəqil Azərbaycan Respublikasının qurulmasından danışdılar.
