Şəhid Əmirəhməd Quliyevin xatirəsinə dama yarışı keçirildi
16 fevral 2018-ci ildə şəhid Əmirəhməd Quliyevin doğum günü münasibətilə 121№-li tam orta məktəbdə V siniflər arasında dama yarışı keçirildi. Tədbirdə məktəbin direktoru, təşkilatçı, müəllim və şagird kollektivi iştirak edirdi.
Azərbaycanın Dövlət Himni səsləndikdən sonra məktəbin direktoru Akif Abdullayev şəhid Əmirəhməd Quliyevin həyat və fəaliyyətindən danışdı. Sonra kollektiv şəhidin büstü qarşısına gül-çiçək dəstələri qoydu və onun xatirəsi bir dəqiqəlik sükutla yad edildi.Tədbirin II hissəsində məktəbin V sinifləri arasında dama yarışı dairəvi sistem üzrə keçirildi.5,05 balla Vbsinfi I yerə, 4,05 balla Vç sinfi II yerə və 4 balla Va sinfi III yerə layiq görüldülər.Qaliblər diplomla təltif olundular.
