Məktəbdə “Bacarıqlı əllər” dərnəyi fəaliyyət göstərir
“Bacarıqlı əllər” dərnəyinə rəhbərlik edən 8 № Uşaq Gənclər İnkişaf Mərkəzinin müəllimi Əfsanə Əzizova ibtidai sinif şagirdlərinə parça, taxta, kağız üzərində müxtəlif saplarla, muncuqlarla bəzək vurmaq, eyni zamanda rəngli saplardan düzgün istifadə etməklə gözəl təsvirlər yaratmaq qabiliyyəti aşılayır. Toxuma, hörmə bacarıqlarına yiyələnən uşaqların böyük həvəs və maraqla gözəl əl işləri yaratmaları buna sübutdur. Onlar öyrəndiklərini böyük həvəslə nümayiş etdirirlər. Əfsanə Əzizova şagirdlərin zövqünü, təsviri fəaliyyətini inkişaf etdirmək üçün əlverişli iş formaları seçir.
