V siniflərdə şagirdlərin oxu bacarıqları səviyyəsi öyrənilir
01.11.2017-ci il tarixində “ Təhsildə keyfiyyət ili” ilə əlaqədar V siniflərdə şagirdlərin oxu bacarıqları səviyyəsini öyrənmək və qiymətləndirmək məqsədi ilə Va,Vb,Vd sinflərində Əfsanə Xalıqova və Vc,Vç sinflərində Təranə Məmmədtağıyevanın Azərtbaycan dili və ədəbiyyat dərsləri dinlənilmişdir. Müəllimlər dərslərində əlavə oxu materiallarından istifadə etmişlər. Ümumiyyətlə, bədii oxu şagirdlərdə bədii ədəbiyyata, ədəbi dilə daha çox maraq oyadır. Əlavə materiallardan istifadə etməklə müəllim şagirdin söz ehtiyatını zənginləşdirir, sözlərin düzgün tələffüz olunmasına diqqət yetirir, şagirdlərdə mütaliə vərdişlərini təkmilləşdirir. Bu cür materiallar şagirdlərin dünyagörüşünün formalaşmasında da böyük rol oynayır.
