"Novruz bayramı adət-ənənələrinini özündə əks etdirən güşənin yaradılması və şagirdlərə milli adət-ənənələrimizi aşılanması məqsədi ilə tədbir keçirildi
Kitabxana müdiri G.İmanverdiyeva və M.Qasımova təşkilatçılığı ilə "Novruz bayramı adət-ənənələrinini özündə əks etdirən güşənin yaradılması və şagirdlərə milli adət-ənənələrimizi aşılanması məqsədi ilə tədbir keçirildi.Təşkilatçı Gülnarə müəllimə Novruz bayramının tarixi və adət-ənənələri haqqında geniş məlumat verdi.Novruz «təzə il» deməkdir, baharın ilk günüdür. Bütün müsəlmanların həyatında əsl yeni il həmin gündən başlanır. Novruzun gəlişi ilə evlərə, ailələrə yeni büsat, şadlıq və sevinc gətirilir. Hamı çalışır ki, bu bayramı yüksək təntənə ilə, ürək sevinci ilə, qəlb fərəhi ilə qarşılasın. Hər evdə, hər ailədə Novruz bayramına əvvəlcədən hazırlıq gedir. Analar, bacılar şəkərbura, paxlava, şorqoğal və başqa nemətlər bişirir, bolluq və bərəkət rəmzi olan səməni qoyurlar.Novruz bayramı halallıq, təmizlik bayramıdır. Novruza bir ay qalmış adamlar dörd çərşənbə axşamını qeyd edirlər. Bu çərşənbələrin hər biri insanların yaşaması, bütün həyatın varlığı üçün vacib olan dörd ünsürdən birinə - od, torpaq, su və havaya (yelə) həsr olunur. Bu da Novruzun dünyanın ən qədim, ən müdrik bayramlarından biri olduğunu göstərir. Novruz şənlikləri arasında ilin axır çərşənbəsi çox təntənə ilə qeyd olunur.Bəli, bu gün Azərbaycan Respublikasının Prezidenti, Müzəffər Ali Baş Komandan İlham Əliyev Ümummilli Liderin vəsiyyətini və Azərbaycan xalqının arzularını reallaşdırdı. Ali Baş Komandanın rəhbərliyi altında müzəffər Azərbaycan Ordusu doğma torpaqlarımızı işğaldan azad etdi və biz artıq həmin ərazilərdə Novruz bayramını qeyd edirik.
Daha sonra Məktəbimiz şagirdlərinin hazırlamış olduqları rəqs və şeirlər səsləndirildi.
