“Milli Dirçəliş Günü”nə həsr edilmiş “ Dəyirmi Masa ” keçirildi
17 noyabr Milli Dirçəliş Günü Azərbaycan xalqının istiqlaliyyət uğrunda apardığı mübarizənin əsas mərhələlərindən biridir. Xalqımızın milli mənlik şüurunun oyanış günü olan 17 noyabra həsr olunmuş “Dəyirmi Masa” keçirildi. Masada tarix müəllimi Şahnaz Dadaşova,ədəbiyyat müəllimi Səmral Ələkbərova və VIII, IX sinif şagirdləri iştirak etdilər.Şahnaz Dadaşova şagirdlərə Azərbaycanın müstəqillik tarixi və Milli Dirçəliş günü haqqında ətraflı məlumat verdi. VIIIb sinif şagirdi Hüseyn Məmmədzadənin hazırladığı videoçarx nümayiş olundu, ulu öndər Heydər Əliyevin tarixi çıxışı dinlənildi.1988-ci il noyabrın 17-də xalq Bakı şəhərində Azadlıq meydanına toplaşmaqla 70 il Azərbaycanı müstəmləkə əsarətində saxlayan Sovet imperiyasına qarşı ilk kütləvi etiraz səsini qaldırdı. Bu, Azərbaycan xalqının milli - azadlıq hərəkatı idi.Mitinqlər zamanı Azadlıq meydanında ilk dəfə Azərbaycanın milli bayrağı qaldırılıb və Sovet İttifaqından ayrılmaq məsələsi gündəliyə gətirilib. Azadlıq meydanından başlanan xalq hərəkatı tezliklə bütün SSRİ –də geniş etirazlarla davam edib və nəhayət 1991-ci ilin dekabrında Sovet İttifaqı dağılıb.VIII – IX sinif şagirdləri öz çıxışlarında bu günün mahiyyət və əhəmiyyətindən bəhs etdilər.
