“Hüzn və Milli Qürur Günümuz” mövzusunda Dəyirmi masa” keçirildi
20 Yanvar faciəsi xalqımızın yaddaşında hüzn və kədər, qürur və qəhrəmanlıq səhifəsi kimi qalmışdır.1990-cı il yanvarın 19-dan 20-nə keçən gecə şəhidlərin qanı ilə Azərbaycanın yeni tarixi yazıldı. Bu tarixi faciə Azərbaycan milli kimliyinin formalaşmasına həlledici təsir göstərib,dövlət müstəqilliyinin bərpa edilməsində dönüş nöqtəsi oldu.
20 Yanvar faciəsi zamanı Bakıda 131 nəfər mülki şəxs küçələrdə, evlərdə , avtomobillərində, iş yerlərində öldürülmüş , 744 nəfər yaralanmış, 841 nəfər həbs edilmişdir.
20 Yanvar faciəsinin 33-cü ildönümunə həsr olunmuş “Dəyirmi masa” keçirildi.Şəhidlərimizin əziz xatirəsi 1 dəqiqəlik sükutla yad edildi. Masada iştirak edən məktəbin tarix müəllimi Şahnaz Dadaşova faciənin tarixi haqqında geniş məlumat verdi. VII sinif şagirdləri 20 Yanvar şəhidləri içərisində uşaqların da olduğunu xüsusi vurğuladılar.
Xalqımız yanvarın 22-də öz şəhidləri ilə vidalaşdı. Şəhidlər Xiyabanındakı dəfn mərasimində 2 milyona yaxın insan iştirak etdi.Şagirdlər Məhəmməd Cəlilov, Səbuhi Şahbazlı, Elnur Zərbəliyev, Ruqəyya Ələkbərova, Səma Mamedova , Nailə Əliyeva həmin məşum günlə bağlı məlumat və şeirlərini təqdim etdilər.Tədbirin sonunda şagirdlərin hazırladığı slayd nümayiş etdirildi.
