“ 28 MAY –Müstəqillik tariximizdir” adlı “Dəyirmi masa”
27 may 2022-ci il tarixdə Azərbaycan Xalq Cümhuriyyətinin yaranmasının 104 illiyinə həsr olunmuş “ 28 MAY –Müstəqillik tariximizdir” adlı “Dəyirmi masa” keçirildi. Masada Təlim və Tərbiyə işləri üzrə direktor müavini Həməşəxanım Bayramova, tarix metodbirləşmə sədri Vəsilə Əliyeva , tarix müəllimi Şahnaz Dadaşova və IX – XI sinif şagirdləri iştirak etdilər.Tədbir Azərbaycan Respublikasının Dövlət Himninin səsləndirilməsi ilə başlandı. Şahnaz Dadaşova tədbiri giriş sözü ilə açaraq Müstəqillik günü münasibəti ilə müəllim və şagirdləri təbrik etdi, hər kəsə müstəqil Azərbaycanın çiçəklənməsi naminə işlərində uğurlar dilədi. Bildirdi ki, xalqımız 28 May Müstəqillik Gününü hər il böyük təntənə ilə qeyd edir. Çünki, 1918-ci il mayın 28-də yüz ildən artıq müstəmləkə şəraitində yaşayan, mədəniyyəti, dili, dini sıxışdırılan Azərbaycan azadlığa çıxıb. Müsəlman Şərqində ilk demokratik respublika olan Azərbaycan Xalq Cümhuriyyəti ölkəmizin çoxəsrlik sosial-iqtisadi, ictimai-siyasi və mədəni inkişafının, xalqımızın milli oyanışı və dirçəlişi proseslərinin məntiqi nəticəsi idi.. Lakin beynəlxalq aləmdə yaranmış gərginlik, Şimalda yaranmış təhlükə nəticəsində Demokratik Respublika uzun müddət fəaliyyət göstərə bilmədi. 1920-ci il aprelin 28-də Sovet Rusiyası tərəfindən süquta uğradıldı. 23 aylıq mövcudluğu dövründə cümhuriyyət xalqımızda istiqlal və suverenlik duyğularını gücləndirdi. Ərazi bütövlüyümüz ,Azərbaycan Milli ordusunun yaradılması haqqında məlumat verərək , sözü Həməşəxanım Bayramovaya verdi. O, şagirdlərə AXC-nin fəaliyyətinin öyrənilməsində tarixi mənbələrin və tarixi şəxsiyyətlərin rolu haqqında danışdı. Vəsilə Əliyeva Əlimərdan bəy Topçubaşovun rəhbərliyi altında Azərbaycan nümayəndı heyətinin Paris sülh konfrasında müstəqilliyinin de-fakto taninmasını cümhuriyyətin xarici siyasətdəki uğuru adlandırdı. IX – XI sinif şagirdləri iqtisadi , siyasi , mədəni quruculuq sahəsində görülən tədbirləri geniş şərh etdilər. IX a sinif şagirdlərinin hazırladıqları slayd və video- çarxlar nümayiş etdirildi. Azərbaycan Respublikası Azərbaycan Xalq Cümhuriyyətinin qanuni varisidir və Məhəmməd Əmin Rəsulzadənin dediyi kimi : “ Bir kərə yüksələn bayraq ,bir daha enməz! ”.
