“ Bahar xonçası” adlı “Dəyirmi masa” keçirildi
“Bahar çələngi ” layihəsi çərçivəsində 14 mart 2022-ci il tarixdə “ Bahar xonçası” adlı “Dəyirmi masa ” keçirildi. Masanı tarix müəllimi Şahnaz Dadaşova giriş sözüylə açaraq qədim milli bayramımız Novruzun yaranması səbəblərindən, bu bayram münasibətilə xalq arasında yayılmış adət-ənənələrdən bəhs etmiş, Novruz bayramının təbiətin oyanması, əkinçilik təsərrüfatının başlanması ilə bağlı əsl dünyəvi bayram olduğunu qeyd etmişdir.
Masada Təlim Tərbiyə işləri üzrə direktor müavini Həməşəxanım Bayramova ,Tərbiyə işləri üzrə direktor müavini Elnarə Kərimova , Uşaq Birliyi rəhbəri Sevda Əliyeva ,psixoloq Samirə Rzayeva , tarix metodbirləşmə sədri Vəsilə Əliyeva və 5c sinif şagirdləri iştirak etdilər.
Şagirdlər Dilbər və Dilarə Veyiszadələr, Adil Əhədov, Alpər Məmmədli , Əsmər Əhmədova bahara , səməniyə həsr edilmiş şeir və mahnılar səsləndirdilər. Minurə Yolçuzadə Novruz bayramının YUNESCO tərəfindən qeyri-maddi mədəni irs siyahısına daxil edilməsi, 2010-cu ildə isə BMT Baş Assambleyası tərəfindən mart ayının 21-nin "Beynəlxalq Novruz Günü" elan edilməsi haqqında məlumat verdi. Hüseyn Babazadə Mirzə Ələkbər Sabirin “ Cütçü” şeirini, Ayan Mirzəzadə , Aysu Əhədli , Hədiqə Əhmədova , Yusif İsmayılov , Ramin İmanlı “ Bayram axşamlarında” mahnsını xorla ifa etdilər. Şagirdlər papaq atmaq, yumurta döyüşdürmək kimi Novruz adətlərini həyata keçirdilər. Sonda Şahnaz Dadaşova tədbir iştirakçılarını Novruz bayramı münasibətilə təbrik etdi.
