‘’Azərbaycan dili milli varlığımızdır ‘’ mövzusunda "Dəyirmi masa"
24 noyabr 2021-ci il tarixində ‘’Azərbaycan dili milli varlığımızdır ‘’ mövzusunda "Dəyirmi masa" keçirilmişdir.
Dəyirmi masanın təşkilatçısı Rzaqulu Məmmədov çıxışını İlham Əliyevin ‘’Biz Azərbaycan dilinin saflığının təmin etməliyik. Əlbəttə, bizim vətəndaşlar, xüsusilə gənc nəsil nə qədər çox xarici dil bilsələr, o qədər yaxşıdır. Ancaq, ilk növbədə, öz ana dilini bilməlidirlər’’sözləri ilə başladı. O, ana dilimizin saflığından, onun gözəlliyindən danışdı və bildirdi ki, dilimiz bizim milli varlığımızdır. Şagirdlərdən Xa sinif şagirdi Hacılı Elmin B.Vahabzadənin ‘’Ana dilim’’ şeirini, Abbasov Kənan Xəlil Rza Ulutürkün ‘’Mənim dilim’’, XI sinif şagirdi Axundlu Fatimə Tofiq Bayramın ‘’Ana dili’’şeirlərini əzbər söylədilər.
