Lütfi Zadənin elmi yaradıcılığı
10 iyun 2021-ci ildə 121 nömrəli məktəbin V- VII sinif şagirdlərinin, riyaziyyat və informatika müəllimlərinin iştirakı ilə professor Lütfi Zadənin elmi yaradıcılığına həsr olunmuş “Dəyirmi masa” keçirildi. Dəyirmi masada Lütfi Zadənin dünya elminə töhvəsi olan 6 mühüm nəzəriyyəsi, hazırda onların elm və istehsalatda geniş şəkildə tətbiq olunması, eyni zamanda ona dünya şöhrəti qazandıran, dünya elmində inqilab hesab olunan qeyri-səlis məntiq nəzəriyyəsi və bu nəzəriyyənin riyaziyyatın əsası olan ikili çoxluq anlayışına yeni ifadə verməsi, elmdə qeyri-səlis ölçünün daxil edilməsi haqqında müəllimlər geniş söhbət apardılar. Eyni zamanda bu ixtiraların təbiətdə və cəmiyyətdə gedən proseslərin qeyri-müəyyənliyini daha adekvat nəzərə almağa imkan yaratması da qeyd edildi.
