Nizami Gəncəvinin 880 illik yubileyinə dair
121 nömrəli orta məktəbin Azərbaycan dili və ədəbiyyat müəllimləri - Səlimova Əzizə, Xəyalə Zamanova və Ələkbərova Səmral məktəbin kitabxanasında şagirdlərlə “Kitabxanada şagirdlərlə Nizami Gəncəvi əsərlərinin qiraəti” adlı bədii gecə təşkil etmişlər.
Şagirdlər bədii gecədə fəal iştirak etmiş, müəllimlərin N. Gəncəvi yaradıcılığına dair söylədikləri əlavə məlumatlarla biliklərini daha da zənginləşdirmişlər.
9-cu sinif şagirdi Əkbərli Vaqifin Nizami Gəncəvi yaradıcılığına sevgisi və söylədiyi şeirlər hər kəs tərəfindən çox bəyənilib.
Müəllimlər: Səlimova Əzizə və Ələkbərova Səmral tərəfindən təşkil olunan “Virtual səyahət” uşaqların həddən artıq marağına səbəb olmuş, virtual şəkildə olsa da Nizami Gəncəvi Adına Azərbaycan Ədəbiyyatı Muzeyinə səyahət etmiş, muzeydəki eksponatlarla tanış olmuşlar.
Müəllimlər: Musayeva Tamam, Səlimova Əzizə və Zamanova Xəyalə şagirdlər arasında “Sirlər Xəzinəsi” adlı şeir müsabiqəsi elan etmişdir. Şagirdlər müsabiqədə fəal iştirak ediblər. Müsabiqədə 6ç sinfindən Həsənov Zəka, Budaqova Rəhimə, Haşımlı Malik, Quliyeva Xədicə, 8a sinfindən Abıyeva Zivər, Əliyeva Validə, Hüseynzadə Brilliant, Məmmədzadə Şövkət Nizami Gəncəvi yaradıcılığdan ən gözəl incilərini ifadəli söyləmişlər.
Müəllimlər müsabiqənin sonunda öz qeydlərini şagirdlərin nəzərinə çatdırmış və müsabiqənin qalibini elan etmişlər. 8a sinif şagirdi Abiyeva Zivər müsabiqədə fərqlənmiş və qalib elan edilmişdir.
