Xocalı soyqırımı – bəşəri cinayət
Xocalı soyqırımı Azərbaycan tarixinə ən dəhşətli və faciəli səhifələrdən biri kimi daxil olmuşdur. 200 il ərzində Azərbaycan xalqı erməni millətçi – şovinistlərin davamlı etnik təmizləmə,soyqırım siyasətinə məruz qalmışdır. 1992-ci il fevralın 25-dən 26-na keçən gecə ermənilər Rusiyaya məxsus 366-cı motoatıcı alayın iştirakı ilə 7 min nəfər əhalisi olan Xocalı şəhərində genosid aktı həyata keçirdi. Hücum zamanı şəhərdə 3 minə yaxın insan qalmışdı, çünki 4 aydan artıq blokadada olduğu üçün əhalinin xeyli hissəsi şəhəri tərk etməyə məcbur qalmışdı.
Fevralın 25-də keçirilən Xocalı soyqırımının 29-cu ildönümünə həsr olunmuş videokonfransda tarix müəllimi Şahnaz Dadaşova , 5B sinif rəhbəri Ülviyyə Pəncəliyeva və həmin sinfin şagirdləri iştirak etdilər.Konfrans Xocalı soyqırımı qurbanlarının xatirəsini bir dəqiqəlik sükutla yad etməklə başlandı. Şahnaz Dadaşova çıxışında soyqırım zamanı 613 nəfərin öldürülməsi,487 nəfərin yaralanması,1275 nəfərin əsir götürülməsi, 8 ailənin tamamilə məhv edilməsi faktlarını yada saldı . Bildirdi ki, 25 uşaq hər iki valideynini, 130 uşaq isə valideynlərdən birini itirmişdir. Ümummilli lider Heydər Əliyev tərəfindən xalqımıza qarşı törədilən soyqırımlara siyasi qiymət verilməsini xüsusi vurğuladı. Şagirdlər Hüseyn Abdullayev, Aysun Əliyeva , Hüseyn Məmmədzadə,Hüseyn Cəbrayılov , Höküməxanım Hacızadə ,Cəmilə Gülməmmədli soyqırıma aid çəkdikləri rəsmləri nümayiş etdirərək məlumat verdilər.Fərrux Daşdəmirov mövzuyla bağlı hazırladığı videoçarxı nümayiş etdirdi.Aylin Gambarova faciəyə həsr etdiyi şeirini təqdim etdi.
Şagirdlər çəkdiyi rəsmlərdə , söylədikləri şeirlərdə ,məlumatlarda soyqırımın bəşəri cinayət olmasını faktlarla çatdırdılar.
