Xocalı soyqırımına həsr olunmuş tədbir keçirildi
26 fevral 2020-ci il tarixində tarix müəllimləri Şahnaz Dadaşova, Vəsilə Əliyeva, Sürayə Bayramova və təşkilatçı Elnarə Kərimovanın rəhbərliyi ilə Xocalı soyqırımının 28-ci ildönümünə həsr olunmuş “Xocalı soyqırımı-bəşəri cinayət” adlı ədəbi-bədii kompozisiya keçirildi. Məktəbin VII-XI sinif şagirdləri soyqırıma həsr olunmuş səhnəciklər təqdim etdilər,bayatılar, ağılar, şeirlər söylədilər.Aparıcılar : Yusif İsmayılov və Səkinə Məmmədova “ Xocalı soyqırımı” haqqında hazırladıqları geniş məlumatı tədbir iştirakçılarının nəzərinə çatdırdılar.Tədbir zamanı göstərilən slaydlar vasitəsilə tədbir iştirakçıları qaniçən ermənilərin törətdikləri vəhşiliklərin bir daha şahidi oldular. “Xocalı soyqırımı”nın dünyaya tanıdılmasında Azərbaycanın milli qəhrəmanı Çingiz Mustafayevin əvəzsiz xidmətləri xüsusi qeyd edildi. Tədbir möhtəşəm “Bayraq” rəqsi ilə başa çatdı.
