9-cu siniflərdə zəif nəticə göstərən şagirdlərlə əlavə məşğul olunur
Bakı Şəhəri üzrə Təhsil İdarəsi tərəfindən keçirilən monitorinqdə 9-cu siniflərdə Azərbaycan dili, riyaziyyat və ingilis dili fənnindən zəif nəticə göstərən şagirdlərlə hər həftə məktəb rəhbərliyi tərəfindən tərtib olunmuş qrafik üzrə mütəmadi olaraq dərsdən sonra əlavə məşğul olunur. Onların keyfiyyət göstəricilərinin yüksəlməsi üçün müəllimlər müxtəlif üsul və vasitələrindən istifadə edirlər. Bu nəticələr metodbirləşmə və valideyn iclaslarında müzakirə edilir. Nəticələr mütəmadi olaraq monitorinqlərlə yoxlanılır. Faiz göstəriciləri hesablanır.
