Mənim bayrağım
Azərbaycan Respublikasının Dövlət bayrağı Azərbaycan dövlətinin suverenliyinin rəmzidir.2009 - cu ildən etibarən noyabr ayının 9 - u Azərbaycan Respublikasında rəsmi dövlət bayramı günü kimi qeyd olunur.
Dövlət Bayrağı Günü ilə əlaqədar olaraq məktəbdə bayram tədbirləri, təşkilat saatları, açıq dərslər və rəsm sərgiləri təşkil olunub.
8 noyabr 2019 - cu il tarixdə məktəbin ibtidai sinif müəllimi Məlahət Kərimovanın təşkilatçılığı ilə 2 "B" sinfində bayraq gününə həsr olunmuş təşkilat saatı keçirildi. Təşkilat saatında məktəbin tərbiyə işləri üzrə direktor müavini və ibtidai siniflər üzrə metodbirləşmə sədri iştirak etdilər. Dərs şagirdlərin ifasında Azərbaycan Respublikasının Dövlət Himninin səsləndirilməsi ilə başladı. Ardınca M.Kərimova şagirdlərə Dövlət Bayrağı Gününün tarixi barədə geniş məlumat verdi.
Dərsin davamında şagirdlər vətənpərvərlik ruhunda yazılmış şeirlər, musiqilər və səhnəciklər ifa etdilər. Şagirdlərin ifasında səslənən musiqi nömrələri dinləyən hər kəsdə bayram əhval - ruhiyyəsi yaratdı. Sonda tərbiyə işləri üzrə direktor müavini Anar Miriyev çıxış edərək müəllimə və şagirdlərə maraqlı dərs üçün öz təşəkkürünü bildirdi və gənc nəslin formalaşmasında belə tədbirlərin, təşkilat saatlarının keçirilməsinin böyük rolu olduğunu vurğuladı.
