“Narkomaniya və digər zərərli vərdişlərə yox deyək!” mövzusunda maarifləndirici tədbir
Bəşəriyyət üçün ən böyük bəlalardan olan narkomaniyanın törətdiyi fəsadlara qarşı mübarizə bu gün aktual xarakter daşıyır.
Narkomananiyanın törətdiyi fəsadların qarşısını almaq məqsədi ilə məktəbdə mütəmadi olaraq narkomanlığa, yeniyetmə və gənclər arasında müxtəlif zərərli vərdişlərin yayılmasının əleyhinə kütləvi tədbirlər təşkil olunur.
Belə maarifləndirici tədbirlərdən biri də oktyabrın 28 - də məktəbin konfrans zalında tərbiyə işləri üzrə direktor müavini Anar Miriyev və UBR Ətlas Rəhimovanın Nizami Rayon Gənclər İdman İdarəsi ilə birgə təşkilatçılığı ilə keçirildi. “Narkomaniya və digər zərərli vərdişlərə yox deyək!” mövzusunda təşkil olunmuş maarifləndirici tədbirdə məktəbin həkimi İsgəndərova Tahirə, məktəb psixoloqu Xidirova Ofelya, biologiya fənn müəllimi Quliyeva Elmira və şagirdlər iştirak etdilər. Onlar narkotik vasitələrin, siqaretin, spirtli içkilərin istifadəsi nəticəsində insan səhhətinə vurulan ölümcül fəsadlar barədə danışıblar. Tədbirdə narkomaniyanın mənfi tibbi və sosial, hüquqi nəticələri barədə ətraflı məlumatlar şagirdlərin diqqətinə çatdırılıb.
Aktiv müzakirələr şəraitində davam edən tədbirdə şagirdlərin verdikləri suallar ətraflı cavablandırılıb.
Tədbirin sonunda narkomaniyanın mənfi fəsadlarından bəhs edən video çarxlar nümayiş etdirilib.
