Dünənimizin qəhrəmanlıq simvolu
Şəhidlər dünənimizin qəhrəmanlıq simvolu, bu günümüzün qeyrət salnaməsi, sabahımızın əbədi örnək təmsilçisidir.
Oktyabrın 28 – də konfrans zalında məktəbin 2015 - ci il məzunu şəhid Tahirli Natiq Namiq oğlunun anadan olmasının 22 – ci ildönümü ilə bağlı Azərbaycan dili və ədəbiyyat fənn metodbirləşmə sədri Nailə Zeynalovanın təşkilatçılığı ilə 9 “D” sinif şagirdlərinin təqdimatında tədbir keçirildi. Tədbirdə məktəbin direktoru Rahim Novruzov, tərbiyə işləri üzrə direktor müavini, müəllimlər və şagirdlər iştirak etdilər. Şəhidin əziz xatirəsinə həsr olunmuş tədbir Azərbaycan Respublikasının Dövlət Himninin səsləndirilməsi ilə başladı. Ardınca şəhidin xatirəsi bir dəqiqəlik sükutla yad edildi. Sonra şagirdlərin təqdimatında vətənpərvərlik mövzusunda şeirlər səsləndirildi. Şəhidin şəkillərindən ibarət videoçarx nümayiş etdirildi.
Tədbirin sonunda şəhidin xatirəsini əbədi yaşatmaq məqsədilə məktəbin foyesində və şəhidin təhsil aldığı sinif otağında şəhidin şəkillərindən ibarət guşə şagirdlər tərəfindən ziyarət edildi
