Bilik günü
16 sentyabr 2019 - cu il tarixdə yeni dərs ilinin başlaması ilə əlaqədar olaraq məktəbin həyətində "Bilik günü" tədbiri keçirildi. Tədbirdə məktəbin şagirdləri, müəllimlər və valideynlər iştirak etdilər. Tədbiri giriş sözü ilə açan məktəbin direktoru Rahim Novruzov bilik günü münasibətilə şagirdləri və məktəbin kollektivini təbrik etdi və yeni tədris ilində hamıya uğurlar arzu etdi. Tədbirin davamında şagirdlərin ifasında şeirlər,musiqilər səsləndi. Məktəbə ilk qədəmlərini qoyan birincilərin ifasında səslənən şeirlər tədbiri daha da maraqlı etdi. Birincilərin sinif rəhbərləri adından çıxış edən məktəbin ibtidai sinif müəllimi Səhərgül Əliyeva bilik günü münasibəti ilə tədbir iştirakçılarını və qonaqları təbrik etdi. Tədbirin sonunda məktəbin onbirincilərinin və blaca fidanların təqdimatında ilk zən çalındı və göyərçinlər səmaya uçuruldu.
