Ekskursiyalar davam edir
Şagirdlərin asudə vaxtlarının səmərəli keçirilməsini təmin etmək məqsədi ilə mütəmadi olaraq onların tarixi mədəniyyət abidələrinə və digər yerlərə ekskursiyaları həyata keçirilir. Ekskursiyaların əsas məqsədi, şagirdlərin əldə etdikləri bilikləri möhkəmləndirmək, qədim memarlıq abidələri ilə yaxından tanış olmaqdır.
Mayın 25 - də məktəbin Azərbaycan dili və ədəbiyyat fənn müəllimi Rəhilə Gülməmmədovanın təşkilatçılığı ilə 8"C" sinif şagirdlərinin Quba rayonunun ərazisində yerləşən kütləvi məzarlığa və 1918-ci ildə bolşevik-erməni silahlı dəstələrinin Azərbaycan torpaqlarında həyata keçirdikləri kütləvi qırğınlar nəticəsində həlak olan on minlərlə azərbaycanlının xatirəsinə ucaldılmış Xatirə Kompleksinə ekskursiyası baş tutdu.
