Şagirdlərin ekskursiyaları davam edir
Muzeylər zamanın müəyyən məqamını özündə yaşadan, ötən əsrlərdə baş verən müxtəlif hadisələrdən xəbər verən eksponatları qoruyan, saxlayan, öyrənən, nümayiş etdirən maddi-mənəvi xəzinədir. Muzeylərin eyni zamanda keçmişimizin və bu günümüzün gələcəyə çatdırılmasında əvəzsiz rolu var.
Bu gün muzeylər günüdür. Şagirdlərin milli mədəniyyət və incəsənət nümunələrinin xalqa çatdırılmasında mühüm yer tutan muzeylərə ekskursiyaları davam edir.
Mayın 18 - də məktəbin ibtidai sinif müəllimi Məlahət Kərimovanın təşkilatçılığı ilə 1"B" sinif şagirdlərinin "Azərbaycan Xalça Muzeyi" və "Şirvanşahlar Saray Kompleksi" nə ekskursiyası baş tutdu. Şagirdlər xalça muzeyində və Şirvanşahlar sarayında Azərbaycan xalqının milli mədəniyyətinin və incəsənətinin əvəzsiz nümunələri ilə tanış oldular.
