Şəhidin anım günü
Bu dünyada ən uca zirvə şəhidlik zirvəsidir. Azərbaycanın bütövlüyü və müdafiəsi uğrunda gedən mübarizələrdə Azərbaycan igid oğul və qızları hər zaman yüksək qəhrəmanlıq nümunəsi sərgiləmişlər. Torpaqlarımızın yadelli işğalçılardan qorunması və Vətənin müdafiəsi uğrunda canından keçərək şəhidlik zirvəsinə ucalan vətəndaşlarımız heç bir zaman unudulmayacaq. Onların əziz xatirələri bizim yadaşımızda əbədi yaşayacaqdır.
Məktəbin 2015 - ci il məzunu Natiq Namiq oğlu Tahirli 2016-cı il mayın 17 - də Azərbaycan - Ermənistan təmas xəttində ermənilərin atəşkəs rejimini pozması nəticəsində şəhid olub, ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.
Şəhidin xatirəsini əbədi yaşatmaq məqsədilə məktəbin foyesində və şəhidin təhsil aldığı sinif otağında şəhidin şəkillərindən ibarət guşə yaradılmışdır. Şəhidin anım günü ilə əlaqədar olaraq səhid Natiq Tahirlinin əziz xatirəsi bir dəqiqəlik sükutla anıldı və şagirdlər şəhidin şəkili önünə tər qərənfillər düzdülər, sonda xatirə şəkli çəkdirdilər.
